کورد بارزاني تورک اولان اردوغانا گؤز داغي وئره بيلدي مي؟
تورکيه نين کرکوک سيياستي اوتوزماغا مي دوغرو گئدير؟
ايللردير او بؤلگه ني آذربايجاندان آلان عثمانلي تورکلري ندن اؤز گوجلريندن خبرسيزديلر؟
تبريزلي باي بک
تورکيه نين کرکوک سيياستي اوتوزماغا مي دوغرو گئدير؟
ايللردير او بؤلگه ني آذربايجاندان آلان عثمانلي تورکلري ندن اؤز گوجلريندن خبرسيزديلر؟
قوزئي قبرس، گونئي تورکوستان، گونئي آذربايجان، قاراباغ، بورچالي، کوزوو، قافقازلار، ماجار، بولغار و آلبان تورکلري نين گله جگيله قومارا گيرن ايسلامچي اردوغان نه لر دوشونور؟
يوخاريداکي سورولارا يانيت وئرمه دن اؤنجه، بؤلگه لرين گئچميشي و بو گونکي دوئومو اينجلنمه ليدير. چونکي دورومدان خبرسيز اولان سيياستچيلرله يولا چيخاراق، اوتوزماقدان باشقا بير سونوج آلماغ اولماياجاقدير.
تورک دونياسيندان دانيشان هرکسين تورک دونياسينا اينانديغين آنلاماغ اولماز، گؤزله مه سيده چوخ سهو بير ايشدير. بير چوخ سيياستچي واردير کي تورک دونياسي شوعاري آلتيندا، اصلینده تورک دونياسين اونوتدورماغا جهد گؤسترنلرديلر. بونلاردان بيري سيزجه اردوغانلار اولا بيليرمي؟
تورک دونياسي ندير؟ تورک دونياسي هارادير؟ تورک دونياسينا عايد اولماغ اوچون نه لر گرکليدير؟
کرکوک بؤلگه سين کوردلشديرمک اوچون اللريندن گلن جينايت و ساختاکارليغا زمين حاضيرلايانلارين موتتفيقي اولان آ.ک.پ-ايله، کرکوک و باشقا تورک بؤلگه لرين باشينا نه گله جکدير؟
اؤز قازانجينا گؤره حتّی تورکيه نين لائيکليگيندن هزينه وئرمگه حاضير اولان بو ايسلامچي فاناتلارين سون ايسته کي و آماجي نه اولا بيلير؟
کئشکه تورک دونياسي نين ساختا قالاسي لقبيله تورک دونياسينا خييانت ائدن تورکييه آکپ-سيني بير آز اولسادا کوردلرين تروريست ليدئرلريله توتوشدورسايديق! بارزاني کرکوک-ه بير کورد ليدئري کيمي گيردي، اوردا بير کورد ليدئري کيمي دانيشدي و اورانين بير کورد شهري اولدوغون آچيقجاسينا باغيردي! عراق-دا آناياسادا يئرلشديريلن مين-ين پارتلاماسين طلب ائتدي و کرکوکدن واز گئچمه يه جگي، حتّی عراقين پارچالانماسينا راضي اولدوغون بيلديردي!
آما، تورکمنلر و تورکيه اردوغانينا ياسلانان ليدئرلر سوسدولار و... کرکوک بئله قولاي مي الدن گئدير؟
سيزجه بيزيم تورک دونياسي نين قالاسي سهو يئرده تيکيلمه ييب مي؟ ياخود بو قالانين قورويوجولاري تورک دونياسيني ساتانلار دييلميديلر؟
بلکي داها عاغيللي دوشونمه لييک!
تبريزلي باي بک
۱۱/۰۸/۲۰۰۸
کرويدون
